ДУК “Цэнтралізаваная бібліятэчная сетка

Бабруйскага раёна”

Глушанская сельская бібліятэка

Шлях да адраджэння

Краязнаўства - неад'емная частка нашай вялікай гісторыі, злучальная нітка часоў.

Праца з краязнаўчай літаратурай, пошукавая дзейнасць з'яўляюцца часткай дзейнасці бібліятэк. Краязнаўчая работа ў большай ступені спрыяе ажыццяўленню сувязі бібліятэк з жыццём, з практыкай на месцах. Адраджэнне бібліятэчнага краязнаўства сёння выклікана небывалым уздымам нацыянальнай самасвядомасці. Вялізныя выхаваўчыя, патрыятычныя магчымасці краязнаўчага матэрыялу дазваляюць расціць грамадзяніна не на абстрактных ідэалах, а на прыкладах з жыцця бацькоў, аднавяскоўцаў, на падзеях з гісторыі свайго сяла, пасёлка, горада.

Па статыстыцы, на тэрыторыі Глушанскага сельскага Савета пражываюць 1659 чалавек. З іх 8,5% - дзеці (дашкольнікі і навучэнцы школ); 5,9% - юнацтва, 8% - мігранты з краін СНД; 29,5% - людзі сталага ўзросту. У сувязі з тым, што працэнт пажылога насельніцтва штогод памяншаецца, паўстала неабходнасць перадаць маладому пакаленню назапашаныя веды аб родным краі.

Мэта праграмы: пошук і захаванне дакументальнай спадчыны пасёлка Глуша як часткі культурнай спадчыны Беларусі і забеспячэнне шырокаму колу карыстальнікаў свабоднага і неабмежаванага доступу да іх.

Задачы праграмы:

1.         Арганізацыя доступу да краязнаўчых фондаў бібліятэкі і іншых крыніц інфармацыі, публічна даступных па Інтэрнеце, як унутры бібліятэкі, так і з аддаленых раёнаў.

2.         Выдавецкая дзейнасць - стварэнне электронных краязнаўчых рэсурсаў.

3.         Папаўненне электроннай базы дадзеных краязнаўчымі матэрыяламі.

4.         Умацаванне партнёрства і ўзаемадзеяння з мясцовымі краязнаўцамі, арганізацыямі і ўстановамі, якія ажыццяўляюць краязнаўчую дзейнасць.

5.         Пошук эфектыўных форм работы.

6.         Распаўсюджванне краязнаўчых ведаў у сістэме выхавання і адукацыі асобы, абуджэнне пачуцця патрыятызму, любові да роднага краю, фарміраванне культурна-гістарычнай самасвядомасці праз развіццё краязнаўства.

Тэрмин дзеяння: 2020-2022 гг.

Мэтавая аўдыторыя:

Усе групы карыстальнікаў бібліятэкі

Напрамкі рэалізацыі праграмы:

•          гістарычнае краязнаўства;

•          фальклор і літаратурнае краязнаўства;

•          вывучэнне гісторыі прамысловасці і сацыяльна-культурных аб’ектаў;

•          пошук, захаванне і распаўсюджванне краязнаўчых матэрыялаў эстэтычнага напрамку.

Змест работы па праграме:

•          Збор, апрацоўка і захоўванне дакументаў, відэа і аўдыё матэрыялаў пра цікавых людзей Глушанскага сельскага Савета;

•          Папаўненне краязнаўчай базы дадзеных "Зямля глушанская, табой мы ганарымся»;

•          Распрацоўка і афармленне разнастайных фотавыставаў, экспазіцый аб людзях сельскага Савета;

•          Стварэнне цыкла медыя прэзентацый, прысвечаных землякам;

•          Прыцягненне розных груп грамадскай супольнасці да цеснага супрацоўніцтва ў справе захавання гістарычнай краязнаўчай спадчыны.

Формы рэалізацыі праграмы:

• Аматарскае аб’яднанне “Гасцёўня беларускай мінуўшчыны”
• Традыцыйныя формы масавай работы
• Інавацыйныя формы работы, якія з’яўляюцца ў сувязі са зменамі ролі бібліятэк на інфармацыйным і дасугавым рынках

Партнёры праграмы:

*   Глушанскі сельскі выканаўчы камітэт;

*   Глушанскі сельскі Дом культуры;

*   Глушанскі філіял ДУК “Бабруйская раённая школа мастацтваў”;

*   Цэнтр рамёстваў п. Глуша;

ДУА “Глушанскі вучэбна–педагагічны комплекс дзіцячы сад–сярэдняя школа”.

Чакаемыя вынікі:

*          захаванне гісторыка-культурнай спадчыны краю;

*          распаўсюджванне краязнаўчых ведаў, фарміраванне і развіццё краязнаўчых інфармацыйных патрэб карыстальнікаў бібліятэкі;

*          папулярызацыя гістарычнай спадчыны і дзеянняў землякоў у імя росквіту малой радзімы;

*          умацаванне сувязяў бібліятэкі з установамі і арганізацыямі, зацікаўленымі ў распаўсюджванні краязнаўчых ведаў;

*          павышэнне іміджу бібліятэкі як цэнтра краязнаўчай інфармацыі.

Этапы рэалізацыі праграмы:

1.Падрыхтоўчы (I паўгоддзе 2020 года)

- вывучыць нарматыўную базу;

- распрацаваць, абмеркаваць і зацвердзіць мэтавую бібліятэчную праграму “Шлях да адраджэння”;

- прааналізаваць матэрыяльна-тэхнічныя ўмовы рэалізацыі праграмы;

- правесці даследаванні па напрамках рэалізацыі праграмы;

- падабраць методыкі па асноўных напрамках праграмы;

- прааналізаваць фонд сцэнарных матэрыялаў, метадычнай літаратуры, наяўных інфармацыйных рэсурсаў па краязнаўству, патрыятычнаму і ідэалагічнаму выхаванню.

2. Практычны (2020-2022 гады)

- адпрацаваць змест дзейнасці, найбольш эфектыўныя формы і метады выхаваўчага ўздзеяння на карыстальнікаў бібліятэкі;

- распрацаваць сцэнары экскурсій па краязнаўчаму кутку, па памятных, гістарычных месціных пасёлка;

- устанавіць устойлівае партнёрства ў адукацыйнай, культурнай, дасугавай сферах;

- праводзіць маніторынг рэалізацыі праграмы.

3. Аналітычны (II паўгоддзе 2022 года)

- абагульніць вынікі работы бібліятэкі па арганізацыі праграмы;

- спланаваць работу на наступны перыяд.

Фарміраванне фондаў

і інфармацыйных рэсурсаў краязнаўчай тэматыкі

План рэалізацыі праграммы на 2020 год

Работа аматарскага аб’яднання

“Гасцёўня беларускай мінуўшчыны”

План рэалізацыі праграммы на 2021 год

Кантактная інфармацыя:

Адрас: 213844

Магілёўская вобласць,

Бабруйскі раён,

п. Глуша, вул. Кастрычніцкая,32

Тэлефон: 8(0225) 707358

E –mail: cbsr1@yandex.ru