Бабруйск, 2017

Пад роднымі стрэхамі : дайджэст (па матэрыялах друку аб стварэнні  музея А. Адамовіча ў пасёлку Глуша) / ДУК “Цэнтралізаваная бібліятэчная сетка Бабруйскага раёна”, цэнтральная бібліятэка, аддзел абслугоўвання і інфармацыі ; [складальнік Гашко Н.В., рэдактар Л.І. Схаба]. – Бабруйск, 2017. – 26 с.

У 2017 г. адзначаецца 90-годдзе з дня нараджэння А. Адамовіча. Адным з крокаў да ўвекавечвання светлай памяці гэтага выбітнага беларускага пісьменніка і грамадскага дзеяча з’явілася ідэя стварэння ў яго родным пасёлку Глуша дома-музея.

Пасёлак Глуша Бабруйскага раёна — малая радзіма Алеся Адамовіча. Тут жылі і пахаваны яго продкі. Тут прайшло яго партызанскае ваеннае дзяцінства. Стварэнне музея Адамовіча — унікальны праект. Немагчыма ўявіць сабе Алеся Адамовіча без герояў яго твораў, якія гінулі не на перадавой, а пад роднымі стрэхамі. Гэта своеасаблівы помнік усім партызанам, падпольшчыкам, жанчынам, дзецям, усім тым, хто не вярнуўся з вайны.

Цэнтральная раённая бібліятэка  прапануе ўвазе сваіх чытачоў дайджэст “Пад роднымі стрэхамі”. У ім сабраны матэрыялы рэфератыўнага характару, вытрымкі з публікацый беларускіх перыядычных выданняў, сеткі Інтэрнэт, якія адлюстроўваюць гісторыю стварэння музея вядомага беларускага пісьменніка Алеся Адамовіча.

Храналагічны перыяд прадстаўленых звестак ахоплівае ў асноўным 2016-2017 гады.

Выданне будзе цікавым прыхільнікам творчасці Алеся Адамовіча, усім, хто цікавіцца літаратурным краязнаўствам.

ЗМЕСТ