Юбілей вялікіх песняроў, народных паэтаў Беларусі Янкі Купалы і Якуба Коласа будзе шырока адзначацца ў 2017 годзе ў нашай краіне і па-за яе межамі.

Янка Купала і Якуб Колас – гэта сапраўдны пачатак усіх пачаткаў у беларускай культуры, літаратуры і мастацтве. Яны не толькі знакавая з’ява, якая сведчыць аб вяршынях нацыянальнай творчасці, але і яскравае выяўленне народнага духу, мастацкі ўзор, высокі прыклад, на які  не можа не арыентавацца ўся наша нацыянальнасць.

Да гэтых знакавых юбілеяў у дзіцячым аддзеле цэнтральнай бібліятэкі разгорнута кніжная выстава – ўшанаванне “Твае Песняры, Беларусь!”

На выставе прадстаўлены кнігі з фонду бібліятэкі пра жыццё і творчасць пісьменнікаў, іх творы, якія выдадзеныя ў розныя гады, артыкулы з перыядычных выданняў, гукавыя электронныя выданні.

Выстава дзейнічае на працягу 2017 года і адрасавана шырокаму колу карыстальнікаў.